Þurrís er framleiddur úr fljótandi koldíoxíð með því að fella þrýsting og hitastig við stýrðar aðstæður. Þetta breytir fljótandi koldíoxíði í hreinan, hvítan koldíoxíð snjó. Hægt er að þjappa snjónum saman í kubba eða perlur.
Við eina loftþrýstings einingu ( 1 atm = 101 kPa) er hiti þurrís -79°C. Þegar hitastigið eykst breytist þurrísinn beint í gas án þess að breytast í vökva í millitíðinni.
Eiginleikar þurríss:
- Er bragð- og lyktarlaus
- Skilur ekki eftir sig leifar, vegna þurrgufunar
- Er laus við gerla og sýkla
- Er ekki eitraður
- Er ekki eldfimur
- Er auðvelt að meðhöndla þar sem þurrgufa hans er þyngri en andrúmsloft
- Þarfnast ekki rafmagns þegar hann er nýttur til kælingar
- Kælir þrisvar sinnum meira en vatnsís
Þurrís er notaður á marga vegu við kælingu á mjólkurvöru, kjöti, frystivöru og öðrum matvælum á meðan á flutningi stendur. Hann er einnig notaður sem kæliefni í ýmsum iðnaðarferlum s.s. mölun á hitaviðkvæmu efni, skreppsamsettningu tengja og undirþrýstings átöppun með kælingu . Þurrísperlur eru notaðar í blásturshreinsun á ýmsum vélum og tækjabúnaði. Einnig er hægt að nota þurrís til að búa til þoku til að ná fram leikrænum áhrifum.
Lesið vandlega öryggisleiðbeiningar áður en þurrís er notaður.